Сонымен қатар, Мемлекеттік хатшы Астанадағы елшілікте ашылған Норвегиядағы терактіден қаза болғандарды еске алу және көңіл айту кітабына өзінің көңілін білдіріп, жазба қалдырды. «Өткен жұмадағы Норвегияда орын алған қайғылы жағдай өркениет әлемін, барлық адамзат атаулыны дүр сілкіндірді», — деді Мемлекеттік хатшы Норвегияның Қазақстандағы елшісі Даг Малмер Халворсенге.
«Қандай да бір мемлекет терроризмнің әртүрлі құбылыстарынан толығымен қорғана алмайды. Қазақстан өткен жылдар ішінде осындай зұлымдықпен күрес жөніндегі халықаралық күштердің маңызды әрі жүйелі жақтаушысы болып келеді. Ал қасірет орын алған уақытта Елбасы Н. Назарбаев біздің елімізге дос мемлекет болып табылатын елге бүкіл қазақстандықтардың көңілін жеткізіп, қайғыратынын білдірді, Норвегия короліне қайғы-қасіретке ортақтасып, көңіл айтты. Осынау қиын күндері біз норвегиялықтарға рухының мықты болғанын тілейміз», — деді Қ. Саудабаев.
