Шығыс Қазақстан облысы Үржар ауданының Көктерек, Елтай, Ақжар, Бестерек, Жоғары Егінсу және Жаңа тілек ауылдарында сайлаушылармен кездесті.
Сонымен қатар, Жаңатілек пен Барқытбел ауылдарында салынып жатқан мектептердің құрылысын, Үржар-Таскескен автожолын жөндеу жұмыстарын аралап көріп, жұмысшылармен сөйлесті, құрылысты сапалы жүргізудің маңыздылығын атап өтті.
Аталған кездесулерде Нұртай Сабильянов Елбасының «Нұрлы жол — болашаққа бастар жол» атты халыққа Жолдауы мен бес институционалдық реформаны жүзеге асыру жөніндегі 100 нақты қадам туралы, Парламенттің заң шығару қызметі мен «Нұр Отан» партиясы парламенттік фракциясының жұмысы туралы айтып берді.
Аудан тұрғындары жол жөндеу, сыбайлас жемқорлықпен күрес, әлеуметтік көмек, ауыз су, тұрғын үй, жұмыс орындарын ашу, ауыл шаруашылығын дамыту, қыс айларында көмірмен қамтамасыз ету, бюджет қаржысын тиімді әрі мақсатына сай пайдалану секілді өзекті мәселелерді көтерді. Үржар ауданының сайлаушылары Елбасының «Нұрлы жол» бағдарламасы мен 100 қадам аясында жүзеге асырылатын іс-шаралардың ел экономикасын дамыту мен халықтың әл ауқатын арттыруға тың серпін беретініне сенім білдіріп, қолдау көрсетуде.
Депутаттың сайлаушылармен кездесулері Шығыс Қазақстан облысының Аягөз ауданында жалғасуда, деп хабарлайды Мәжілістің баспасөз қызметі.
