"Нұр Отан" ереуіл салдарынан жұмыстан шығарылған мұнайшыларға жұмыс тауып береді

Мұндай шешім сейсенбіде «Нұр Отан» партиясының облыстық филиалының саяси кеңесінің отырысында қабылданды, деп хабарлады «Интерфакс-Қазақстан» агенттігінің тілшісі.

«Жұмыстан босатылғандардың арасында жағдайды түсінбей, ереуіл ұйымдастырушылардың заңсыз арандатушылығына түсіп қалғандар бар. Партия лидері президент Нұрсұлтан Назарбаевтың жұмыстан босатылған қызметкерлердің әлеуметтік жағдайын жақсарту туралы тапсырмасына орай «Нұр Отан» партиясының облыстық филиалы қоғамдық кеңес құруды шешті, ол кәсіпорындардан жұмыстан босатылғандарды жұмыспен қамту жағын қарастырады», деді отырыс барысында партияның облыстық филиалының төрағасы, аймақ әкімі Қырымбек Көшербаев.
Оның айтуынша, рұқсат етілмеген митингілер биылғы жылдың мамыр айынан бері Маңғыстау облысының еңбек ұжымдарында өтуде, онда шамамен 18 мың адам жұмыс істейді.