"Нұр-Дәулет" спорт кешенінде балкон құлау салдарынан зардап шеккен бес спортшы ауруханада жатыр

"Нұр-Дәулет" спорт кешенінде балкон құлау салдарынан зардап шеккен бес спортшы ауруханада жатыр. Олардың жағдайы орташа ауыр деп бағалануда. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Бұдан бұрын да хабарлағанымыздай, кеше, 28- желтоқсанда Бутаковка шатқалында орналасқан «Нұр-Дәулет» спорт кешенінің екі қабатты ғимаратының балконы құлады. Оқыс оқиға кезінде балконда ҚР семсершілер құрамасының 14 спортшысы болған. Спортшылар түгелдей ауруханаға жеткізілді. Дәрігерлік көмек көрсетілгеннен кейін 9 адам үйіне жіберілді.