Нұрсұлтан Назарбаев атындағы қор қазақстандықтарды Facebook желісінде атаулы мерекемен құттықтады, деп хабарлайды Caravan.kz медиа порталы.
«Қазақстандық православтар Рождествоны бейбітшілік пен мейірімділіктің жарқын мерекесі, әділдік пен көршісіне жанашырлықтың салтанаты ретінде атап өтеді. Тарихы ғасырлар бойы жалғасып келе жатқан бұл мереке бүгінде жалпыадамзаттық құндылықтар мен гуманистік мұраттардың көрінісі болып келе жатқандықтан халықтың көңілінен орын алған мерекеге айналды. Барлық православ өкілдерін Рождество мерекесімен құттықтаймыз! Бұл күн әр үйге рухани жылулық, өзара түсіністік, мықты денсаулық, амандық пен бақыт әкелсін деп тілейміз! Жүректеріңіз әрқашан игі істерге ашық болсын!», — делінген құттықтау жазбасында.