«2024 жылғы Паралимпиада ойындарының жеңімпаздары мен жүлдегерлерін шын жүректен құттықтаймыз!
Еліміздің қоржынына қазірдің өзінде 5 медаль түсті – 2 алтын, 2 күміс және 1 қола.
Алғашқы алтынды елге паралимпиадашы Давид Дегтярев алып келді. Қазақстандық пауэрлифтер Паралимпиада финалында ең үздік нәтиже көрсетіп, Қазақстан тарихындағы алғашқы екі дүркін паралимпиада чемпионы атанды.
2024 жылғы Паралимпиадада тағы бір алтынды дзюдошы Ақмарал Науатбек жеңіп алды. Ол франциялық Сандрине Мартинді 10:0 есебімен жеңді.
Қазақстандық мерген Еркін Ғаббасов күміс медальмен марапатталды. Ол 10 метр қашықтықта пневматикалық мылтықпен нысана көздеуде екінші нәтиже көрсетті.
Жүзуші Нұрдәулет Жұмағали 100 метрге брасс әдісімен жүзуде күміс медаль иеленді.
Қазақстандық параспортшы Дастан Мұқашбеков F36 санатындағы ядро лақтыру жарысында үшінші орын алды. Сонымен қатар, Дастан жаңа Азия рекордын орнатты – оның нәтижесі 16 метрді құрады.
XVII Жазғы Паралимпиада ойындарында сәтті өнер көрсеткен спортшыларымызды құттықтаймыз! Сіздер – біздің мақтанышымыз!».