5-ші айналымда “Манчестер Ситиге” қонаққа барған “Реал” Мадрид 1:1 есебімен тең тарқасты. Тең есепке қарамастан биылғы еурокубок жолында сәтсіз өнер көрсеткен англиялық клуб чемпиондар лигасымен қош айтысты. Бірінші таймды ширақ бастаған қонақтар 10-шы минутта есеп ашты. Үзілістен кейін өз жанкүйерлері алдында намысқа тырысқан манчестерліктер пенальтиден таразы басын теңестірді. Ал бүгін Еуропа лигасы аясында “Олимпик” пен “Фенербахче” арасындағы матчты біздің арнадан жіберіп алмаңыздар. Бұл кездесу Астана уақытымен түнгі сағат 2:05-те басталады.