Бұл туралы Caravan.kz медиа-порталы Tengrinews.kz сайтына сілтеме жасап хабарлайды.
«Жақсы жаңалық. Біздің батырымыз, екінші орта салмақтағы боксшы Айдос Ербосынұлы отадан кейін терапия бөлімінен қарапайым палатаға ауыстырылды.
АҚШ-тағы компания өкілінің айтуынша, оның денсаулығы жақсарған. Боксшы әлі де дәрігерлердің бақылауында. Батырымызға қолдау көрсетейік», – деді компанияның баспасөз қызметі өкілі.
Еске салайық, қазақстандық боксшы Айдос Ермосынұлы (16-0, 11 КО) мен кубалық Давид Моррель (7-0, 6 КО) арасында WBA нұсқасы бойынша супер орта салмақтағы «тұрақты» әлем чемпионы атағы үшін жекпе-жек өткен болатын.
Жеңіліп көрмеген қазақстандық боксшы Айдос Ермосынұлы жас кубалық Давид Моррельге қарсы титулдық жекпе-жекте жеңілгенін мойындауға мәжбүр болды. Айдос Ербосынұлы кәсіби рингте бірінші рет нокаутпен жеңілді.
