Жарияланды: 330

Оңтүстік Қазақстан облысында әскери ұшақ апатқа ұшырады

Ұлттық қауіпсіздік комитетіне тиесілі әуе көлігі бүгін Астана уақытымен кешкі 18-55 сағатта радардан жоғалып кеткен. Апат Шымкент қаласының әуежайынан 20 шақырым қашықтықта орын алған.

АН-72 жерге қонбақ болған сәтте 800 метр биіктіктен құлап түсіпті. Ұшақ ішінде экипаждың жеті мүшесі мен 20 әскери болған. Олардың қатарында Шекара қызметі директорының міндетін атқарушы Тұрғанбек Стамбековте бар болып шықты. Полковник қоластындағы әскерилермен бірге Шымкент қаласындағы жиналысқа қатысу үшін Астанадан ұшып шыққан екен. Ал жаңа ғана келіп түскен мәліметтерге қарағанда ұшақта болғандардың барлығы түгел қаза тапқан.

Бауыржан Досов, куәгер:

- Мен үйге кіріп қолымды жуып жатқанмын. Ұшақ ауыл үстінен төмен биіктікте ұшып өтті. 4 секундттан кейін қатты дүмпу болды. Мен он бес минут бұрын апат болған жерде болып қайттым. Адамдардың мүрделері шашылып жатыр. Оқиға орнында алапат Өрт болып жатыр.

КТК тілшілері қазір оқиға орнында жұмыс істеуде.

Пікір қалдырыңыз

Пікір қалдыру тіркелген пайдаланушылар ғана мүмкін