Оңтүстік Қазақстан облысында қаржы полициясы ауданаралық басқармасының бастығы пара алып жатқан жерде қолға түсті

Оңтүстік Қазақстан облысында Түркістан аймақтық экономикалық және жемқорлық қылмыстармен күрес жөніндегі ауданаралық басқармасының бастығы Уәлихан Мырзақұлов пара алып жатқан жерде қолға түсті. Бұл туралы KZ-today тілшісіне Оңтүстік Қазақстан облыстық ҰҚКД-дегі сенімді ақпарат көзі хабарлады.

Қаржы полициясының полковнигін ҰҚК облыстық департаментінің қызметкерлері 3 мың АҚШ доллары көлемінде пара алып жатқан сәтте қолға түсірді. У.Мырзақұлов бұл ақшаны бір кәсіпкерден қылмыстық іс қозғамау үшін бопсалаған.

Қазір ол ҰҚКД-нің тергеу абақтысында отыр. Оның үстінен ҚР Қылмыстық Кодексінің «пара алу жөніндегі» 311-бабы бойынша қылмыстық іс қозғалды.