Оңтүстік Қазақстан облысында сенат депутаттарының сайлауы барысында "Отан" партиясының мүшесі Қуаныш Айтаханов жеңді (нақтыланған нұсқа)

Бүгін, 19-тамызда Оңтүстік Қазақстан облысында сенат депутаттарының сайлауы барысында, алдын-ала мәлімет бойынша, "Отан" партиясының мүшесі Қуаныш Айтаханов жеңіске жетті. Бұл туралы KZ-today тілшісіне облыстық сайлау комиссиясынан хабарлады.

Облыстық сайлау комиссиясының мәліметіне сәйкес, Қ.Айтаханов 161 сайлаушының дауысын жинады.

Депутаттықтан екінші үміткер, Оңтүстік Қазақстан облыстық прокуроры Жарқынбек Оспанов 131 дауыс жинады.
Жалпы алғанда Оңтүстік Қазақстан облысында қалалық, аудандық және облыстық мәслихаттардың 306 депутаты бар. Бүгінгі сайлауға 293 сайлаушы қатысты.
Сайлау комиссиясының хабарлауынша, сенат депутаттарының сайлауы барысында 1 бюллетень жарамсыз деп танылды.