Тәжікстанның екі, Өзбекстанның бір азаматы Мақтаарал ауданының Атакент ауылында ұсталды. Есірткі «КамАЗ» автокөлігінің кабинасына жасырылған.
«Тәжікстанның екі азаматы героинді Тәжікстанда сатып алғандарын, оны Ташкентте танысқан Оңтүстік Қазақстан облысының тұрғындарына сатпақ болғанын жеткізді»,- деп хабарлайды баспасөз қызметі.
Ал Өзбекстан азаматының айтуынша, оны 500 доллар ақыға есірткі тасыту үшін жалдап алған.
Ұсталғандардың үстінен ҚР Қылмыстық кодексінің 259-бабы бойынша қылмыстық іс қозғалды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
