«Қ. Бердәлиевке қатысты қылмыстық іс аяқталып, ҚР Қылмыстық кодексінің 311 бабы, 4 тармағы, «в» тармақшасы бойынша (Аса ірі көлемдегі пара алу) айыпталып, ісі сотқа берілген болатын. Оған 16 мың АҚШ доллары мен 80 мың теңге көлеміндегі пара алды деп айып тағылған болатын. Бұл бап бойынша жаза барлық мүлкі тәркіленіп, 10 жыл мен 15 жыл аралығында бас бостандығынан айыруды көздейтін. Алайда, аудандық сот істі «жеңіл» жазаға — «Алаяқтыққа қол сұқты» деген бапқа алмастырып жіберді», — деп хабарлады департаменттің баспасөз хатшысы Жұпар Мамытова.
Баспасөз хатшысының айтуынша, соттарда сыбайлас жемқорлыққа байланысты «ауыр» қылмыстарды одан жеңілдеріне өзгертіп жіберу жиі қайталанады. «Осыған байланысты басшылық сыбайлас жемқорлық қылмыстары бойынша істер соттарға қандай баптармен жіберілетіні жайында жұртшылықты хабардар етіп отыру жөнінде шешім қабылдады», — деді Ж. Мамытова.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті