Оңтүстік Қазақстан облысының Отырар ауданына қайырымдылық көмек керуені келіп жетті

Су тасқынынан зардап шеккен Оңтүстік Қазақстан облысының Отырар ауданына қайырымдылық көмек жүктерін тиеген автокеруен келіп жетті. Бұл туралы KZ-today тілшісіне Шымкент қалалық әкімшілігі экономика және бюджетті жоспарлау бөлімінің меңгерушісі Ғабит Тұрғынбеков хабарлады.

Зардап шеккен аудан тұрғындарына жалпы көлемі 1 млн. теңгеге азық-түлік өнімдері, төсек-орын жабдықтары мен жылы бұйымдар жеткізілді. Қайырымдылық көмекті Шымкент тұрғындары мен ұйымдары жинап берді.