Баспасөз қызметінң мәліметіне сәйкес, Ұғам-Сайрам ұлттық саябағының Қасқасу бөлігінде өрт шыққан. Оның шығуына сол маңда демалып жүрген бір адамның петарда атуы себеп болған. Әлгілер өртті сөндіруге талпынғанымен, толық өшіре алмапты. Біраз уақыттан кейін өрт қайта өршіп, өрт сөндірушілер мен қорықшылар келіп жеткенше 1 гектар жерде 70-80-жылдық шыршалар жалынға оранған.
Соның алдында ғана Арыс әкімшілік аймағының Баярқұм ауылдық округінде 12 шақырым жердегі тоғай өртеніп кетті. Өртті сөндіруге тоғайдағы ағаштар мен бұталардың тығыздығы кедергі келтіріп, оқиға орнына техника жете алмай қалған.
Орман шаруашылығы қызметкерлері мен өрт сөндірушілер қауіпті аймақтан 20 шақты демалып жүрген балаларды шығарып алды.
Алдын-ала тергеу қорытындысы бойынша өрттің шығуына демалушылардың бейқамдығы себеп болған.
