Шараның алғашқы күні халықаралық бағытқа қатынайтын 90 шақты автобус тексерілді. Қорытындысы көңіл көншітпейді. Халықаралық бағытқа қатынайтын қоғамдық көліктердің кейбір жүргізушілерінде тіпті жүргізуші куәлігі жоқ болып шықты. Осыған орай жол полициясы тарапынан 10 әкімшілік хаттама толтырылды. Бір автобус айып тұрағына қамалды. Ал көліктердің техникалық жағдайы сын көтермейді. Сондай-ақ автобусқа шектен тыс жүк артылған. «Бұл — жолаушылардың өміріне төніп тұрған қауіп», — дейді тәртіп сақшылары.
Салтанат Қаракөзова, ОҚО ІІД баспасөз қызметінің жетекшісі:
— Мысалы, жолаушыларды тасымалдайтын автобустар жүкпен толтырылған. Жартылай жүктердің үстіне адамдарды да отырғызған. Бұл — өте қауіпті. Жүргізушілер қарсы бағытқа жиі шығып кетеді. Асығады, ал жолаушылардың өмірін ойламайды.
