Оңтүстік Қазақстанда туристер жоғалып кетті

Оңтүстік Қазақстан облысында бір топ турист жоғалып кетті. 10-шілде күні Сайрам шыңын тамашалауға аттанған 12 адам 20-шы шілде күні оралулары керек еді. Алайда олардан әлі хабар-ошар жоқ.

Бүгін жергілікті төтенше жағдайлар департаментінен 6 альпинист, жедел іздестіру қызметінен 6 адам туристер кеткен демалыс аймағына аттанды. Аудан Өзбекстанмен шектесетіндіктен, олар көрші елдегі әріптестерімен байланысқан. Өкінішке орай, өзбек шекарашыларында да із-түзсіз кеткен біздің туристер жайында әзір ақпарат жоқ.