Басқосуда сөз алғандар бағдарламалық мақаладағы көтерілген латын қарпіне көшу, «100 кітап», «100 жаңа есім», «Прагматизм» мәселелеріне кеңінен тоқталды. Ұлттық құндылықтарды жан-жақты насихаттаудың маңыздылығы арнайы баяндамада қамтылды. Ал, ауданның бас имамы Серік Бейімбетов Ұлт Көшбасшысы айтқан ысырапшылдыққа, даңғойлық пен мақтангершілікке жол бермеу төңірегінде ұлағатты уағызын айтты.
Сонымен қатар, ауданның рухани басшысы дінаралық түсіністік пен татулық болған жерде ғана бейбітшілік, береке салтанат құратынын нақты мысалдармен жеткізді. Жұртты Елбасының сындарлы саясатын қолдауға шақырды.
Шара соңында еліміздегі ұлтаралық татулық пен дінаралық түсіністікті қалыптастыруда еңбек сіңіріп жүрген бір топ азаматқа Алғыс білдірілді. Солардың бірқатарына арнайы Диплом мен бағалы сыйлықтар табыс етілді. Болашақта ел мүддесі жолында аянбай еңбек ететіндеріне сенім білдірілді. Рухани келісім күні — ұлттық қасиеттерді сақтай отырып, бір арнаға ұйысуды насихаттайтын ұлы күн екені ерекше айтылды.