"Орал әуе желілері" Екатеринбург-Алматы бағытында рейс ашты

Н.Тарханееваның айтуынша, жаңа рейсті ашуға Қазақстан мен Уралдың бизнес-қоғамдастықтары арасындағы барыс-келістің артуы мен екі аймақ ортасында әуе қатынасының жоқтығы түрткі болған. «Бұл бағыттың қызметін машина жасау зауыты, банктер, мұнай компанияларының өкілдері мен туристер тұтынады деп сенеміз»,- деді ол. Бұл рейсті Ту-134 ұшағы атқаратын болады, деді агенттік төрайымы.

Н.Тарханееваның хабарлауынша, «Орал әуе желілері» компаниясы бұған дейін Екатеринбург -Астана бағытындағы рейсті жүзеге асырып келген. Алайда, қазақстанның іскерлік орталығы Алматы екендігіне байланысты аталмыш рейс уақытша тоқтатылған болатын. «Мүмкін келешекте біз Астанадағы жұмысымызды одан әрі жалғастыратын шығармыз» деді ол.