Онда БҚО жолаушылар көлігі және автомобиль жолдары басқармасының бастығы Нұрлан Бекқайырдың атап өткеніндей, осыған дейін Орал мен Астана арасында төрт тіркеме вагон қатынайтын еді. Елордаға тіке бармай, Ақтөбе қаласында басқа пойызға тіркелетіндіктен, қосымша қиындықтар туғызып келді. Сондай-ақ билет жетіспеушілігі де орын алды. Әсіресе, жаз кезінде батысқазақстандық жолаушыларға аса қиын тиетін. Енді облыс халқының тілегі орындалып, Астанаға тіке пойыз қатынай бастады. Мұнда 5 купе, 4 плацкарт, 1 СВ вагоны бар, жолаушылар пойыз мейрамханасынан тамақтана да алады.
Көп ұзамай, атап айтқанда, 15 қаңтар күні Орал вокзалы күрделі жөнделіп бітпек. Бұл мақсатқа 180 млн. теңге жұмсалды. Бас мердігер — «Эльта W» ЖШС.