Қарағанды облысының Қарқаралысында дүниеге келгенімен, Қасымның өмірінде Ақ Жайық өңірі ерекше із қалдырды. Жастық шағының бес-алты жылын осында өткізген Қасым Аманжолов облыстық «Екпінді құрылыс» газетінде (қазір «Орал өңірі»), қазақ музыкалық драма театрында еңбек етті. Осында көптеген достар тапты, болашақ жары Сақыпжамалмен кездесті.
Белгілі әдебиетші-ғалым Серікқали Шарабасовтың айтуынша, соғысқа аттанып бара жатқанда, атақты «Оралым» атты классикалық өлеңін жазған Қасым Аманжоловтың Оралдағы өмірі мен өнері зерттеуге тұрарлық.
