Анастасия Агибалова спорттағы дарынды балаларға арналған облыстық мектеп-интернатының тәрбиеленушісі болған. 9-шы сынып оқушысы әсіресе волейболға ден қойған екен. Спорт шеберлігіне кандидат қыздың осылайша өмірімен қош айтысқанына анасы да, ұстаздары да сене алар емес. Облыстық команда сапында ойнайтын ол, ел құрамасына кіруден үмітті еді. Бірақ былтыр өзінің әлеуметтік желідегі парақшасында суицид жасағысы келетінін жазыпты. Тек интернат ұжымы да, туыстары да қыздың жүріс-тұрысынан өзгерісті байқамағандарын айтады.
Әйгерім Тәжиева, БҚО спорттағы дарынды балаларға арналған мектеп-интернат директорының орынбасары:
-Өзіміз де, сыныптастары да болған оқиғадан кейін есімізді жия алмай отырмыз. Бұған сену қиын. Күні кеше ғана күлімдеп жүрген қыз қазір арамызда жоқ.
