Алғашқы 3 турда «Алматы» 40 ұпаймен көш тізгінін ешкімге бермеген еді. Оларды өкшелеп келе жатқан Хромтаудың «ТНК Қазхром» командасының 7 ұпайы кем. Өскемендіктер («Шығыс-ҚорғасынҚұрылыс») 25 ұпаймен 3-інші орында келе жатыр. Ал атыраулықтарда («Атырау») — 17, Орал («Конденсат») мен Қызылжар («Есіл» ) волейболшыларында 10 ұпайдан ғана бар.
Төртінші тур Хромтау мен Қызылжар, Өскемен мен Атырау, Алматы мен Орал спортшылыарының ойындарымен басталады. 12-17 қаңтарда Өскеменде өткен сында өз қоржынына «Алматы» мен «ТНК Қазхром» — 12, «Шығыс-ҚорғасынҚұрылыс» — 9, «Конденсат» — 7, «Атырау» — 5, ал «Есіл» бірде-бір ұпай қоса алмаған еді. 2011 жылдың 9-16 қарашасында Алматыда өткен бірінші тур ойынында алматылықтар — 13, хромтаулықтар — 12, өскемендіктер — 7, атыраулықтар — 6, қызылжарлықтар — 4, оралдықтар — 3 ұпай жинаған еді. Ал 5-12 желтоқсанда Қызылжардағы екінші турдан оралдықтардың қоржыны бос қайтты.
