Ол негізгі қарсыластарының бәрінен жеңіліс тапты. Тек соңғы турда Самара облысының «Динамосымен» ойындарда ғана бір ұпайға ие болды. 9 ақпан күнгі кездесу 6:6 есебімен тең аяқталса, жексенбіде өткен матчта «Динамо» 5:3 есебімен жеңіске жетті.
Сөйтіп 36 ұпаймен өз тобында алтыншы орынға түсіп қалған «Ақжайыққа» енді алдындағы командаларды қуып жету мүлдем қиын. «Ақжайық» биылғы маусымда алғашқы үштікке ілігіп, жоғары лига командалары арасындағы финалдық ойындарға жолдама алуды көздеген болатын.
Келесі ойындарын оралдықтар өз айдынында 16-17 ақпанда 45 ұпаймен үшінші орында келе жатқан Краснотурьинскінің «Динамо-Маяк» командасымен өткізеді.
