«Мәжіліс пен мәслихаттар депутаттарын сайлау Конституция бойынша 2012 жылы өтуі тиіс. Биылғы жылға қаржы қарастырылмаған. Бізде сайлау өткізетін қаржы жоқ», — деді ол бейсенбі күні журналистерге.
«Бұл қаржы келер жылдың бюджетіне енеді», — деді Қ.Тұрғанқұлов.
Журналистердің егер мәжіліс сайлауы 2011 жылы өткізілетін болса қаржы табыла ма деген сұрағына ОСК басшысы: «Қаржы да, бәрі де табылады» деп жауап берді.
Мәжіліс депутаттарының өкілетті мерзімі 2012 жылы аяқталады. Алайда, соңғы кезде сайлау биыл күзде өтеді деген пікірлер жиі айтылып жүр.