Облыстық статистика департаментінен түскен мәліметке қарағанда, жоғары еңбекақы әкімшілік және қосалқы қызмет көрсету саласында 172 мың теңгені құрап, облыстық көрсеткіштен 2,1 есеге асып түсті. Сондай-ақ құрылыста — 156,1 мың теңге (1,9 есе), өнеркәсіпте — 136,3 мың теңге (1,7 есе), қаржы және сақтандыру қызметінде 106,2 мың теңге (1,3 есеге көп) болды.
Ең төменгі жалақы өнер, ойын-сауық және демалыс саласында, мұндағылардікі облыстық көрсеткіштің 47,0 пайызын құрайды.
Облыста аумақтық жағынан алғанда, ең жоғары жалақы Бөрлі ауданында (195,0 мың теңге), бұл облыстық орта көрсеткіштен 2,4 есеге артық.