Бұл туралы Caravan.kz медиа порталы хабарлайды.
Әнші өз сұхбатын желіден көріп, сөзін бұрмалаған журналистке ашуланып, ел алдында өзінен кешірім сұрауын талап етті. Түсіпбаеваның айтуынша ол тек қана қазақ қыздарының ашық-шашық киінуі жайында пікір білдірген. Ал белгілі бағдарлама оны Айсәуле Бақытбекті жамандағандай еті шығарған.
"Аня-көршім,деп жүрсем. (Орыс досың болса,жаныңда айбалта болсын ) Сеніп жүрсем, подставила меня. Мен желіде ешкімге жазылмағанмын, теледидар қарамаймын. Біреудің не киіп, не ішкенінде шаруам жоқ. Біреудің инстасын ақтарып, өмірімен қызықпаймын. Маған қойған сұрағы -жалпы қазақ қыздары салт-дәстүрді ұстанбауы (таң қалып кім солай киінді? — дегенде жалпы жастар бар — деп жауап берген). Менен тойында, "өз қуанышында жалпы шалбар киген, ішін ашқан қыздарға көзқарасыңыз " — деген сұрақ қойды. Сұрақ мүлдем басқа, нақты белгілі адамдар жайында болған емес. Монтаждап , кесіп, сұрақты Айсаулеге бұрып ,тағы бір соғысты күтіп отыр . Мен бұл отбасыға қатысты сұрақтардан аулақ жүрген адаммын. Менің келіспеушілігім тек сериалға қатысты болды, басқасында шаруам жоқ. Сорлы аңқау қазақ , қазақша сөйледі деп — микрофон бердік , трибуна талайға. Мен Россияға барсам (тым жақсы орымшам бар) маған сондай тақ (бақ) бере ме? Ватсапқа Аннаға xат жаздым, адвокатыма звондадым, Анна кешірім сұрамаса — сотқа беремін", — деп жазды әнші.
Меруерт Түсіпбаева өзінің қоңырауына жауап бермеген Анна Данченкоға желі арқылы үндеу жолдады.
"Анна,менімен ойнапсың. Кешірім сұра, көпшілік алдында. Баян, Айсауле -деген есімді менің сұxбатымнан тауып көр, мен дәлелдеймін. Анна сотканы көтер,адвокатым іздеп отыр сені" — деді Түсіпбаева.
Белгілі болғандай Түсіпбаева шыққан бағдарламаны "Youtube" желісінен алып тастаған.