Өскеменнің № 22 орта мектебінің 9-шы сынып оқушысы полицияға екі рет дайындалып жатқан жарылыс туралы жалған ақпарат берген. Бірінші жағдайда ол мектепке бомба орнатылғандығы туралы хабарласа, екінші рет Защита бекетінің теміржол вокзалының аумағына орнатылған жарылғыш зат туралы хабарлаған.
Тергеу тобының, криминалдық полиция, қоғамдық қауіпсіздік, патрульдік полиция батальонының, Ұлттық қауіпсіздік комитеті департаментінің қызметкерлері, сондай-ақ өрт сөндірушілер мен төтенше жағдайлар жөніндегі комитет қызметкерлері жүргізген жедел — іздестіру шаралары барысында жарылғыш құрылғы табылмаған.
Телефонмен жалған хабар берген лаңкес құқық қорғау органдары мен Ұлттық қауіпсіздік комитеті департаментінің күшімен құрықталды.
Ішкі істер департаментінің баспасөз қызметінен хабарлағандай, Қазақстан Республикасының қылмыстық кодексінің 242-бабында қарастырылған «Лаңкестік әрекет туралы көпе-көрнеу жалған хабарлау» қылмысы үшін жазаны «қалжыңбастың» ата-анасы өтейді. Оларға 500 айлық есептік көрсеткішке дейін айыппұл төлеу немесе 3 жылға дейін бас бостандықтарынан айрылу қаупі төніп тұр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті