5 сәуірге дейін созылатын бұл сайысқа жарыс қожайындарының «Шығыс-ҚорғасынҚұрылыс», Хромтаудың «ТНК Қазхром», Алматының «Алматы», Оралдың «Конденсат», Қызылжардың «Есіл» және Атыраудың «Атырау» командалары қатысуда. Жарыстың алғашқы күні алматылықтар қызылжарлықтарды 3:0 есебімен ойсырата ұтты. Ал хромтаулықтар мен атыраулықтар, өскемендіктер мен оралдықтар арасындағы ойын 3:2 есебімен аяқталды. Бүгін енді «Алматы» мен «ТНК Қазхром», «Есіл» мен «Конденсат», «Шығыс-ҚорғасынҚұрылыс» пен «Атырау» өзара сайысқа түседі. Жалпы, бұған дейінгі 4 турда алматылықтар — 37, хромтаулықтар — 35, өскемендіктер — 31, орал мен атыраулықтар -26, қызылжарлықтар — 25 ұпай жинаған болатын.