Өскеменде волейболдан Ұлттық лигадағы ерлер командалары арасында ел чемпионатының 5-туры өтеді

Қазір алғашқы 4 турдың қорытындысы бойынша турнир кестесінде 37 ұпаймен алматылықтар көш бастап келеді. Оларды 35 ұпаймен Хромтаудың «ТНК Қазхром» мен 31 ұпаймен Өскеменнің «Шығыс-ҚорғасынҚұрылысы» өкшелеп келе жатыр. Ал «Конденсат» (Орал) пен «Атырауда» — 26, «Есілде» (Қызылжар) — 25 ұпай бар. Жалпы ел чемпионаты айналым жүйесі бойынша 6 турға созылатынынын ескерсек, бұл сайыс өскемендіктер үшін көш басындағы командалармен арадағы ұпай айырмасын қысқарту жолындағы соңғы мүмкіндіктердің бірі болмақ. Олар бұл жолы алғашқы 2 ойынын Орал мен Атыраудан, соңғы кездесуін Қызылжар қаласынан келген волейболшылармен өткізетін болады. Ал негізгі сын 2-сәуірде «Алматымен», одан кейін 4-сәуірде «ТНК Қазхром» командасымен болмақ.