Бұл жөнінде бүгін Астанада өткен брифинг барысында ҚР СІМ ресми өкілі Асқар Әбдірахманов мәлім етті.
Отандық тарапты Сыртқы істер министрінің орынбасары Константин Жигалов, ал қонақтар жағын — Сыртқы істер министрлігінің Мемлекеттік хатшысы Абдулкадар Мемеди басқарады.
Аталған шара шеңберінде Қазақстан мен Македония арасындағы екіжақты қарым-қатынастардың қазіргі ахуалы мен даму келешегі, екі мемлекет арасындағы құқықтық базаны ұлғайту мүмкіндіктері, сондай-ақ халықаралық ұйымдар шеңберіндегі ықпалдастық талқыланады.
Сапар барысында македондық делегацияның Қазақстанның Экономикалық даму және сауда министрлігі мен Сауда-өнеркәсіп палатасының басшылығымен кездесулері жоспарланған.