Олар 468 некедегі адамның қатысуымен өткен зерттеуден кейін осындай тұжырым жасаған.
Олар зерттеуге қатысушылар жайлы толық дерек жинаған. Олардың қаржылық жағдайын, отбасындағы қарым-қатынасының ерекшеліктерін, қаншалықты жиі бір-біріне алғыс айтатындығын түбегейлі зерттеген.
«Біз жарының өзін бағалайтынын, қымбат жан тұтанын сезінген адам отбасында берекені сақтауға қатты тырысатынын байқадық. Тіпті жанұя қиын кезеңді бастан кешіріп жатса да, өз зайыбына деген ризашылық сезімі оларды бұл тығырықтан оңай алып шығады», — дейді зерттеушілердің бірі Тэд Футрис.
Ғалымдар қарапайым «рахмет» сөзін жиі айту негативті сезімдерді жоюға себеп болатынын айтады. Олар сондай-ақ берік некені әлсіз некеден ажыратып тұратын нәрсе — ерлі-зайыптылардың күнделікті бір-бірімен қатынасында көрініс табатын құрмет сезімі екенін мәлімдеді, деп жазады Дни.Ру.