Өткен демалыс күндері елімізде жол апаттары мен судан 14 адам мерт болды

Алматы облысында Алматы-Өскемен тас жолының 396-шы шақырымында 18-шілде, жексенбіде «Мицубиси-Паджеро» автокөлігінің жүргізушісі көлігін аударып алды. Оқыс оқиға салдарынан 2 жолаушы мерт болды.

Шығыс Қазақстан облысы Риддер қаласында 19-шілде, дүйсенбіге қараған түні «БМВ» автокөлігінің жүргізушісі екі жаяу жүргіншіні қағып кетті. Соның салдарынан бір жолаушы оқиға орнында мерт болып, екіншісі түрлі жарақаттармен ауруханаға түсті.
17-шілде, сенбіде Павлодарда «Ауди-80» автокөлігі «Тойота-Камри» автокөлігімен соқтығысып қалды. Жол апаты салдарынан «Ауди» жүргізушісі мен оның жолаушысы ауруханада қайтыс болып, «Тойота» автокөлігінің жүргізушісі мен оның үш жолаушысы түрлі жарақаттармен ауруханаға жатқызылды.
Қызылордада 18-шілдеде 5 қабаттағы пәтердің балконынан бір адам құлап кетті. Ол жарақат салдарынан қайтыс болды.