Мекеме ақпаратына сәйкес, Алматының Түріксіб ауданында «Алматыгорстрой» АҚ зауытында 10-тамызда 11 сағат 20 минутта жұмыс барысында цемент құйылған ыдысқа құлап кеткен жұмысшы мерт болды. Оның мәйітін кәсіпорын қызметкерлері шығарып алды.
Сонымен бірге сол күні Қарағанды облысының Сәтпаев қаласында «Қазақмыс корпорациясы» ЖШС Жезқазған кен орнындағы шахтада тау жынысының құлауы салдарынан жарғыш-оператор қаза тапты. Шахта жұмысшылары оның денесін жер бетіне шығарып алды.
Қарағанды облысының Шет ауданында Ақжал кен орнында кеше 17 сағатта осы мекеменің электригі жұмыс барысында тоққа соғылып жан тапсырды.
