Өткен тәулікте Қазақстанда өрттен бес адам, соның ішінде екі бала қаза тапты

Шығыс Қазақстан облысы Глубокое ауылындағы жеке меншік үйде болған өртті ауыздықтау кезінде екі баланың мәйіті табылды. Сондай-ақ, тағы да осы Шығыс Қазақстан облысының Новая ауылында өртеніп кеткен жеке меншік үйден 57 жастағы үй қожайынының өлі денесі табылды. Ал Қостанайда жеке меншік үйдегі өртті сөндірген кезде 57 жастағы әйел мен 60 жастағы еркектің мәйіттері табылды.