Өткен тәулікте жол апатынан екі адам қаза тауып, жеті адам жараланды

Өткен тәулікте еліміздегі жолдарда апаттан екі адам қаза тауып, жеті адам жараланды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Ақтөбеде «ВАЗ-2106», «ВАЗ-2106» және «Форд» автокөліктері соқтығысып қалды. Апат салдарынан бір Жигулидің жүргізушісі жарақаттан оқиға орнында мерт болып, басқа екі жүргізуші ауруханаға жатқызылды.

Алматы облысында Көктал -Қорғас тас жолының 35-ші шақырымында «Ауди» көлігінің жүргізушісі «ВАЗ-2106» автокөлігімен соғысты. Соның салдарынан ВАЗ-да отырған бір жолаушы қаза тауып, екі жүргізуші мен «ВАЗ-2106» автокөлігінің үш жолаушысы ауруханаға жатқызылды.