Өткен тәуліктерде еліміздің жолдарында апаттан төрт адам қаза тауып, алты адам жараланды

3-шілде, жексенбіде еліміздің жолдарында апаттан төрт адам қаза тапты. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Жамбыл облысы Қордай ауданында Алматы-Бішкек тас жолының 214-шақырымында таңертеңгі 6 сағат 20 минутта «Ауди-100» автокөлігінің жүргізушісі ағашқа соғылып қалды. Соның салдарынан екі жолаушы қаза тауып, жүргізуші мен тағы екі жолаушы,соның ішінде 6 жасар бала түрлі жарақатпен ауруханаға түсті.

Қарағандыда «ИЖ-Юпитер-4» мотоциклінің жүргізушісі «КАВЗ» автобусымен соғысты. Апат салдарынан мотоцикл жүргізушісі оқиға орнында жан тапсырып, оның жолаушысы ауруханаға жатқызылды.
Қызылорда облысының Сырдария ауданында Кұмкөл-Қызылорда автожолының 153-шақырымында «Тойота» автокөлігінің жүргізушісі көлігін аударып алды. Апат салдарынан бір жолаушы оқиға орнында қаза тапты. Жүргізуші мен тағы бір жолаушы ауруханаға жатқызылды.