Өткен жылы 98,8 мың павлодарлық туристік сапарлар шеккен

Олардың 13,5 мыңы туристік фирмалардың қызметтерін пайдаланған. Бұл туралы статистика департаментінің баспасөз қызметінен хабарлады.

Туристердің 87,5 пайызы — демалуға барса, 6,5 пайызы коммерциялық мақсатта шоп-турларға барған. Тағы 3 пайызы туған-туыстары мен жақындарына қыдырып барып қайтса, 1,9 пайызы -іскерлік мақсатта және қажылыққа, 1,1 пайызы емделуге барған.

Оның ішінде 4 788 адам — Түркияға, 1 032 адам — Қытайға, 618 адам — Біріккен Араб Әмірлігіне, 317-сі — Германияға, 372-сі — Таиландқа, 273 адам — Мысырға, 152 адам Чехияға сапар шеккен.