Бұхара облысының Ромитан ауданы Чандыр патрульдік бекеті арқылы өтетін айналма жолда ұсталған «Нексия» көлігін тексерген кезде көліктің кузовынан газ баллонына жасырылған ірі көлемдегі есірткілік зат табылды. Сараптама нәтижесінде анықталғанындай, бұл 14 килограмм героин болып шықты. Көлікті Сурхандария облысының Сарыасий ауданының тұрғыны сенім куәлігімен айдап жүрген.
Тергеу барысында есірткінің оған Тәжікстаннан жеткізілгені, оған есірткіні тиісті жеріне жеткізіп бергені үшін 2 мың АҚШ долларын төлеуге уәде берілгені мәлім болды.
Тағы бір іс-шараның барысында ІІМ қылмыстық іздестіру жөніндегі бас басқармасының қызметкерлері Ташкент облысы Бекабад ауданының тұрғынын ұстады. Оның көлігінен 1 килограмм героин шықты. Тергеу барысында делдал ролін атқарушы Тәжікстандық әйел ұсталды. Деректер бойынша тергеу жүргізілуде.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті