Өзбекстанның мемлекеттік шекарасындағы ҚР шекара әскерлері күшейтілген жұмыс тәртібіне көшірілді

Өзбекстанмен арадағы мемлекеттік шекараны күзететін ҚР ҰҚК Шекара қызметінің бөлімшелері күшейтілген жұмыс тәртібіне көшірілді. Бұл туралы бүгін, 13-мамырда ҚР ҰҚК-нің баспасөз хатшысы Кенжеболат Бекназаров KZ-today тілшісіне хабарлады.

К.Бекназаровтың айтуынша, көршілес мемлекеттегі оқиғаларға байланысты ұлттық қауіпсіздік мекемелері еліміздегі тұрақтылықты сақтау бағытында тиісті шаралар қолдануда.

Осыған сәйкес шекара күзеті күшейтілді.
Қазір ҚР ҰҚК Өзбекстандағы жағдайдың өрбу барысын жіті қадағалап отыр.