2 қыркүйекте Париждегі жазғы Паралимпиада ойындарында қазақстандық спортшылар тек бір спорт түрінен – пара-волейболдан бақ сынайды, деп хабарлайды Caravan.kz медиа порталы Azattyq Rýhy-на сілтеме жасап.
Волейболдан Қазақстанның ерлер құрамасы жартылай финалда Египеттен келген командамен кездеседі. Кездесу Астана уақыты бойынша сағат 15:00-ге жоспарланған.
Бұл қазақстандық паралимпиадашылар үшін үшінші ойын болмақ.
Естеріңізге сала кетейік, турнирдің басында Қазақстан құрамасы Францияны жеңді. Есеп 3:0 (25:7, 25:20, 25:7). Екінші кездесуде спортшылар Босния мен Герцеговина құрамасынан жеңіліп қалды. Есеп 2:3 (24:26, 13:25, 25:14, 25:21, 8:15).