Парламент 2005-жылғы бюджеттің орындалуы туралы үкімет пен Есеп комитетінің есептерін бекітті

АСТАНА. 20-маусым. Kazakhstan Today. Парламент палаталарының бірлескен отырысында бүгін 2005-жылғы республикалық бюджеттің орындалуы туралы үкімет пен Есеп комитетінің есептері бекітілді, деп хабарлайды Kazakhstan Today тілшісі.

Бұдан бұрын да хабарлағанымыздай, 2005-жылғы республикалық бюджеттің кірістері 1 трлн. 723,9 млрд. теңге, шығыстары — 1 трлн. 537,7 млрд. теңге болды. 2005-жылғы бюджет 46,7 млрд. теңге, немесе Жалпы ішкі өнімнің 0,6% көлеміндегі профицитпен орындалды. 2005-жылы Жалпы ішкі өнім мөлшері 1,6 трлн. Теңгеге өсіп, 7 трлн. 453 млрд. теңге болды.