“Егер біз 2005-жылғы республикалық бюджеттің орындалуы туралы үкіметтің есебін тыңдағымыз келсе, онда бізге үкімет басшысының өзі келіп есеп беруге тиіс“,- деді бүгін өткен парламент палаталарының бірлескен отырысында мәжіліс депутаты Амангелді Таспихов.
Отырысқа үкімет басшысын шақыру туралы ұсынысты басқа депутаттар да қолдады. “Біз отырыс барысында үзіліс жариялап, үкімет басшысын шақыруымыз қажет“,- деді мәжіліс депутаты Рауан Шаекин.
Бұл ұсыныс үшін сенаттың 25, мәжілістің 53 депутаты дауыс берді.
Отырыста 30 минуттық үзіліс жарияланды.
