Парламент мемлекеттік басқару деңгейлері арасында құзырет аясын шектеу мәселелері бойынша заңнамаға енгізілетін түзетулерді қабылдады

Бүгін, 1-қарашада өткен парламент палаталарының бірлескен отырысында халық қалаулылары "Мемлекеттік басқару деңгейлері арасындағы құзырет аясын ажырату және бюджеттік қарым-қатынастар мәселесіне арналған Қазақстан Республикасының кейбір Конституциялық заңдарына өзгерістер мен толықтырулар енгізу туралы" Конституциялық заңының жобасын екінші оқылымда қарап қабылдады,- деп хабарлайды KZ-today тілшісі.

Конституциялық заңдарға енгізілетін түзетулер топтамасы қазір жүзеге асырылып жатқан әкімшілік-бюджеттік реформалар аясында мемлекеттік аппараттың барлық буындары арасында міндеттер бөлісу және бюджетаралық қарым-қатынастарды жетілдіру үшін жасалды. Соған сәйкес еліміздің Конституциялық үш заңына, атап айтсақ, «Республикалық референдум туралы», «ҚР үкіметі туралы», «ҚР конституциялық кеңесі туралы» заңдарға өзгеріс енгізіледі. Сондай-ақ, кейбір заңдарға да түзетулер енгізіледі. Заң 2005-жылдың 1-қаңтарында күшіне енеді деп күтілуде.

Заң мемлекет басшысының қол қоюына жіберілді.