Парламент сайлау заңнамасына енгізілетін түзетулерді екінші оқылымда қарауға кірісті

Бүгін, 8-сәуірде Астанада парламент палаталарының бірлескен отырысы басталды, онда Қазақстан Республикасының "Сайлау туралы" заңына өзгерістер мен толықтырулар енгізу туралы" Конституциялық заң жобасы екінші оқылымда қаралады,- деп хабарлайды KZ-today тілшісі.

Палаталардың бірлескен отырысына мәжілістің 66, сенаттың 32 депутаты қатысып отыр. «Қажетті кворум қалыптасты»,- деп мәлімдеді отырысты ашқан парламент мәжілісінің төрағасы Орал Мұхамеджанов.

Отырыста қос палатадан жасақталған комиссия аталмыш заң жобасы бойынша келіп түскен ұсыныстар мен ескертулер туралы есеп береді деп күтілуде.