“Қазір бұл заң президенттің қол қоюына жолданған. Бірақ, бізге белгілі мәліметтерге сәйкес ол Конституциялық кеңеске жіберілген көрінеді. Ол аталмыш заңның Ата заңға сәйкестігін қарайды”,- деді В.Калюжный.
Бұдан бұрын да хабарлағанымыздай, заң жобасы Адам құқықтары жөніндегі уәкілдің құқық қорғау мүмкіндіктерінің аясын кеңейтуге бағытталған. Атап айтсақ, заң жобасы арқылы омбудсменннің құзыреті аясына адамның құқығын мен бостандығы бұзылған жағдайда оны қорғау мақсатында сот мәжілісіне қатысу құқығымен, сондай-ақ, заңды күшіне енген шешім, үкім, анықтама немесе сот қаулысын тексеру туралы өтінішпен сотқа және прокуратураға жүгіну құқығымен толықтыру ұсынылған.
