Парламентте қауіпсіздік пен тұрақтылыққа қосқан Қазақстан үлесіне арналған халықаралық ғылыми-сараптамалық конференция өтеді
Астана. 13 қазан. "Қазақстан Бүгін" - Астанада 16 қазанда "Қазіргі кезеңдегі мәселелер және қауіпсіздік пен тұрақтылыққа қосқан Қазақстан үлесі" атты халықаралық ғылыми-сараптамалық конференция өтеді. Аталған іс-шараны ҚР парламент мәжілісінің халықаралық істер, корғау және қауіпсіздік жөніндегі Комитеті ұйымдастырады. Аталмыш шараға шетел саясаткерлері, сарапшылар мен журналистер қатыспақ. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
