Павлодар облыстық қаржы полициясы департаменті жыл басынан бері 234 қылмыстық іс қозғады, оның 9-ы жемқорлыққа байланысты

Павлодар облыстық қаржы полициясы департаменті жыл басынан бері 234 қылмыстық іс қозғады, оның 9-ы жемқорлыққа байланысты. Ал былтыр жыл бойына 938, соның ішінде жемқорлыққа байланысты 17 қылмыстық іс тексерілген болатын.

Бұл туралы облыстық қаржы полициясы департаментінің баспасөз қызметі хабарлады.

Акцизді тауарлардың заңсыз айналымы, контрабанда және басқа да құқық бұзушылық әрекеттер салдарынан мемлекетке келген шығын көлемі жыл басынан бері 34,1 миллион теңгені құрады.
Сонымен бірге облыстық қаржы полициясы департаменті жыл басынан бері 268 әкімшілік құқық бұзушылық әркетіне тосқауыл қойып, осы істер бойынша 769 мың теңгенің әкімшілік айыппұлын өндіріп алды. 6,4 миллион теңгенің акциздік тауарлары тәркіленді.