Жарияланды: 450

Павлодар облысында өрт салдарынан жүк таситын "Мерседес" көлігі мен қайырымдылық мақсаттағы 8 тонна жүк өртеніп кетті

Павлодар облысы Аққу ауданы орталығынан 3 шақырымда өрт салдарынан жүк таситын "Мерседес" автокөлігі мен қайырымдылық мақсаттағы 8 тонна жүк өртеніп кетті,- деп хабарлайды KZ-today тілшісі.

Петропавлдағы "Наным үні" деп аталатын миссияға қарасты көлік еліміз аумағы арқылы салмағы 8 тоннадай қайырымдылық мақсаттағы жүктерді тасымалдап келе жатқан. Өрт салдарынан көлік пен жүктің түгі қалмай от құшағына оранды. Киім-кешек, аяқ киімдер мен жаңа жылға арналған базарлықтардан тұратын қайырымдылық жүктің өртенуінен келген шығын көлемі 2,5 млн. теңгені құрайды. Павлодар облыстық мемлекеттік өртке қарсы күрес бөлімінің тергеу бөлімінен хабарлағанындай, өрттің шығуына жүктің ішіндегі химиялық заттардың өздігінен тұтануы әсер еткен сыңайлы.

Пікір қалдырыңыз

Пікір қалдыру тіркелген пайдаланушылар ғана мүмкін