Павлодар облысының орман шаруашылықтары жаңа техника алды

«Бұл соңғы жылдағы алғашқы жаңартулар. Техниканы сатып алуға бюджеттен 50 миллион теңге бөлінді. Тек өткен аптаның өзінде өңір ормандарында найзағай салдарынан 12 өрт ошағы тіркелді. Профилактика шаралары және өрттердің жедел сөндірілуі орманшылардың техникалық жарақталуына тікелей байланысты», - деді орманшыларға көлік кілттерін табыс еткен облыс әкімінің орынбасары Манап Көбенов. Тракторларға қоса, суға арналған 2,8 тонналық цистерналар мен орманды өрттен қорғайтын жолақтарды тырмалауға арналған бороналар сатып алынды.